जिवनभर दुख गरेर पढेर, सपना, अर्थ र परिश्रमको लगानी गरेर डाक्टर अनि सर्जन भएको म,” — Dr. Toshima Karki

जिवनभर दुख गरेर पढेर, सपना अर्थ र परिश्रमको लगानी गरेर डाक्टर अनि सर्जन भएको म, मेरो परिवारको सपनालाई तिलान्जली दिएर म तपाईहरुको अश्लिल गाली र अपशब्दको सिकार बन्नलाई राजनितिमा आएको होईन।खल्तिमा पैसो नभएकै कारण मेरो आँखा अगाडि मैले बिरामीले उपचार नपाएको, बेड नपाएको, औषधि नपाएको, आईसियु नपाएको देखेको छु र ति दृश्यहरुले मलाई दुखेको छ। यो देशमा पैसाको अभावले बिरामीहरु उपचार नपाएर मर्नु नपरोस्। गरिब भन्दा गरिब बिरामीले पनि गुणस्तर उपचार पाओस् भन्ने एक मात्र लक्ष्य हो मेरो। यसैको लागी राजनितीमा आएको हुँ र अन्तिम श्वास रहेसम्म प्रत्येक नेपालीको स्वास्थ्य अधिकारको लागि लड्नेछु। आशा छ यो लक्ष्य पूरा गर्न तपाइहरु सबैले साथ दिनुहुनेछ।