भुटानी समुदायका चार संस्थाको संयुक्त वार्षिक सम्मेलन २०२६ ओमाहामा हुँदै

भुटानी समुदायका चार संस्थाको संयुक्त वार्षिक सम्मेलन २०२६ ओमाहामा हुँदै

August 24, 2026 | Bhutanese News

अमेरिकाको ओमाहा, नेब्रास्कामा विश्वभर छरिएर रहेका भुटानी समुदायलाई एकताको सूत्रमा जोड्ने उद्देश्यसहित ‘भुटानी संयुक्त वार्षिक सम्मेलन २०२६’ आयोजना हुँदैछ।
सेप्टेम्बर ११ देखि १३ सम्म तीन दिन सञ्चालन हुने सम्मेलन Great Events Center, Omaha, Nebraska मा हुनेछ।
‘भुटानी हृदयहरूलाई एकताबद्ध गर्दै, पुस्ताहरूलाई सशक्त बनाउँदै’ भन्ने नारासहित आयोजना हुने सम्मेलनमा समुदायका विविध विषयमा छलफल र अन्तरक्रिया हुनेछ।
भाषा, साहित्य, संगीत, संस्कृति, शिक्षा, स्वास्थ्य तथा नेतृत्व विकासलाई सम्मेलनका प्रमुख विषयका रूपमा अघि बढाइनेछ।
साथै, भुटानी समुदायका कलाकार, प्रतिभा, व्यवसायी तथा विभिन्न क्षेत्रका प्रतिनिधिहरूलाई एउटै मञ्चमा जोड्ने प्रयास गरिनेछ।
चार प्रमुख भुटानी संस्थाको संयुक्त आयोजनामा हुने यो सम्मेलनले संस्थागत सहकार्यसँगै भावी पुस्तालाई समुदायको पहिचान र संस्कृतिसँग जोड्ने अपेक्षा गरिएको छ।

चार संस्थाको संयुक्त नेतृत्वमा सम्मेलन

सम्मेलन Global Bhutanese Organization (GBO), Bhutanese American Music Association (BAMA), Global Foundation of America (GFA) र Global Bhutanese Literary Organization (GBLO) को संयुक्त आयोजनामा हुँदैछ। स्थानीय व्यवस्थापनको जिम्मेवारी भने Bhutanese Community in Nebraska (BCN) ले सम्हाल्नेछ।

सम्मेलनको समग्र संस्थागत नेतृत्वमा GBO का CEO/President Mr. DB Rai, GBLO का President Mr. Patalo Antare, GFA का President & CEO Mr. Praja Dhital तथा BAMA का President Mr. Biswaz Gurung रहेका छन्। ओमाहामा हुने कार्यक्रमको स्थानीय समन्वय तथा व्यवस्थापनमा GBO का Senior Director for Diaspora Partnership & Foreign Affairs Mr. Bhim Gurung को पनि महत्वपूर्ण भूमिका रहनेछ।

तीन दिन, तीन फरक विशेषता

सेप्टेम्बर ११ — स्वागत समारोह तथा रात्रिभोज

सम्मेलनको पहिलो दिन विभिन्न स्थानबाट ओमाहा पुग्ने अतिथि, प्रतिनिधि तथा सहभागीहरूको स्वागतका लागि विशेष Welcome Ceremony तथा Dinner आयोजना गरिनेछ। पहिलो दिनलाई सहभागीहरूबीच परिचय, भेटघाट र आपसी सम्बन्ध विस्तारमा केन्द्रित गरिनेछ।

सेप्टेम्बर १२ — संस्थागत छलफल र सांगीतिक कार्यक्रम

दोस्रो दिन सम्मेलनको मुख्य कार्यक्रम सञ्चालन हुनेछ। यस दिन विभिन्न संस्थागत बैठक, कार्यपत्र प्रस्तुति तथा शिक्षा, नेतृत्व विकास, स्वास्थ्य, सामाजिक सुरक्षा, भाषा, साहित्य, संस्कृति र संस्थागत सहकार्यजस्ता विषयमा छलफल तथा अन्तरक्रिया गरिनेछ।

सोही दिन साँझ Joint Grand Musical Event आयोजना हुनेछ। कार्यक्रममा भुटानी समुदायका कलाकार तथा प्रतिभाहरूले आफ्नो प्रस्तुति दिनेछन्। विशेष आकर्षणका रूपमा नेपाल तथा अमेरिकामा चर्चित कलाकार सीताराम कट्टेल ‘धुर्मुस’ र कुञ्जना घिमिरे ‘सुन्तली’ को लोकप्रिय प्रस्तुति ‘म त मर्छु कि क्याहो’ रहनेछ।

सेप्टेम्बर १३ — भुटानी मेला तथा तीज उत्सव

सम्मेलनको अन्तिम दिन भव्य भुटानी मेला आयोजना गरिनेछ। मेलामा खेलकुद प्रतियोगिता, सांस्कृतिक कार्यक्रम, व्यवसायिक तथा सामुदायिक स्टल, प्रतिभा प्रदर्शनलगायतका गतिविधि समावेश गरिनेछन्।

साँझ नेब्रास्कामा रहेका भुटानी महिलाहरूको विशेष सहभागितामा सांगीतिक तीज उत्सव आयोजना गरिनेछ। तीज उत्सवसँगै तीनदिने सम्मेलनको औपचारिक समापन गरिनेछ।

सम्मेलनका प्रमुख नेतृत्व तथा आयोजकहरूको प्रोफाइल

Mr. DB Rai

CEO/President Global Bhutanese Organization (GBO)

GBO का CEO/President DB Rai सम्मेलनको प्रमुख संस्थागत नेतृत्वमा रहेका छन्। विश्वभर रहेका भुटानी समुदायबीच सहकार्य, सम्बन्ध विस्तार र संस्थागत समन्वयलाई अघि बढाउने भूमिकामा उनी सक्रिय छन्।

Mr. Patalo Antare

President Global Bhutanese Literary Organization (GBLO)

GBLO का President Patalo Antare भाषा, साहित्य तथा सांस्कृतिक पहिचानसँग सम्बन्धित गतिविधिमा सक्रिय छन्। यस सम्मेलनका आयोजना संयोजक का रूपमा उनले सम्मेलनको समग्र तयारी र समन्वयमा महत्वपूर्ण भूमिका निर्वाह गरिरहेका छन्।

Mr. Praja Dhital

President & CEO Global Foundation of America, Kansas, USA

Global Foundation of America का President & CEO Praja Dhital शिक्षा, समुदाय विकास तथा संस्थागत सहकार्यका क्षेत्रमा नेतृत्व गर्दै आएका छन्। सम्मेलनमा शिक्षा तथा सामुदायिक विकाससँग सम्बन्धित विषयलाई अघि बढाउन उनको भूमिका महत्वपूर्ण रहनेछ।

Mr. Biswaz Gurung

President Bhutanese American Music Association (BAMA)

BAMA का President Biswaz Gurung भुटानी संगीत, कला तथा सांस्कृतिक गतिविधिको प्रवर्द्धनमा सक्रिय छन्। सम्मेलनको सांगीतिक पक्ष तथा Joint Grand Musical Event को व्यवस्थापनमा उनको नेतृत्व महत्वपूर्ण रहनेछ।

Mr. Bhim Gurung

Senior Director for Diaspora Partnership & Foreign Affairs GBO
Omaha, Nebraska

ओमाहा, नेब्रास्कामा रहेका Bhim Gurung GBO का Senior Director for Diaspora Partnership & Foreign Affairs हुन्। सम्मेलनका कार्यक्रम संयोजक का रूपमा स्थानीय समन्वय, कार्यक्रम व्यवस्थापन तथा विभिन्न पक्षबीच सहकार्य स्थापित गर्न उनको महत्वपूर्ण भूमिका रहनेछ।

एकता, सहकार्य र पुस्ताबीचको सम्बन्ध जोड्ने प्रयास

ओमाहामा तीन दिनसम्म सञ्चालन हुने यो सम्मेलन केवल सांस्कृतिक तथा मनोरञ्जनात्मक कार्यक्रममा सीमित नरही भुटानी समुदायको भविष्य, पहिचान र संस्थागत सहकार्यबारे साझा संवाद गर्ने मञ्चका रूपमा अघि बढ्ने अपेक्षा गरिएको छ। विश्वका विभिन्न स्थानमा रहेका भुटानी समुदायका प्रतिनिधिहरूलाई एउटै स्थानमा जोड्दै अनुभव आदानप्रदान, नयाँ पुस्तालाई भाषा–साहित्य र संस्कृतिसँग जोड्ने तथा समुदायबीचको सम्बन्ध अझ मजबुत बनाउने उद्देश्यले आयोजना हुन लागेको सम्मेलनले आगामी दिनमा भुटानी संस्थाहरूबीच थप सहकार्य र एकताको आधार तयार गर्ने विश्वास आयोजकहरूले व्यक्त गरेका छन्।